Пасяджэнне ЦВК Беларусі, на якім разгледзяць у тым ліку арганізацыю
выбараў членаў Савета Рэспублікі і дэлегатаў УНС, адбудзецца 23
студзеня. Аб гэтым БЕЛТА паведамілі ў Цэнтральнай выбарчай камісіі.
На
пасяджэнні будзе зацверджаны графік размеркавання бясплатнага эфірнага
часу для выступленняў кандыдатаў у дэпутаты Палаты прадстаўнікоў
Нацыянальнага сходу восьмага склікання па тэлебачанні і радыё. Акрамя
таго, будзе вызначаны парадак галасавання асобных катэгорый грамадзян, а
таксама разгледжаны пытанні, звязаныя з арганізацыяй выбараў членаў
Савета Рэспублікі Нацыянальнага сходу восьмага склікання і дэлегатаў
Усебеларускага народнага сходу.
У пасяджэнні могуць прыняць удзел
наглядальнікі, акрэдытаваныя пры ЦВК Беларусі, і прадстаўнікі сродкаў
масавай інфармацыі. Анлайн-трансляцыя пасяджэння будзе даступна на сайце
Цэнтральнай выбарчай камісіі.
