26 студзеня, Мінск /Кар. БЕЛТА/. Рашэннем кіраўніка дзяржавы з 1
лютага на 10 працэнтаў павышаюцца ўсе віды працоўных пенсій (па ўзросце,
за выслугу гадоў, па інваліднасці, з прычыны страты карміцеля). Аб
гэтым БЕЛТА паведамілі ў прэс-службе Міністэрства працы і сацыяльнай абароны.
З улікам росту бюджэту пражытачнага мінімуму ў сярэднім на душу
насельніцтва на 10,6 працэнта павялічацца даплаты да пенсій і сацыяльныя
пенсіі інвалідам і дзецям-інвалідам.
Паводле папярэдняй ацэнкі, сярэдні памер пенсіі па ўзросце ў лютым
2024 года складзе Br811 і павялічыцца да студзеня бягучага года на Br75.
Гадавое павелічэнне (люты 2023 года да лютага 2024-га) складзе Br140,
або 21 працэнт.
Памер павелічэння працоўнай пенсіі ў кожнага пенсіянера будзе свой у
залежнасці ад працягласці стажу і велічыні заработку, улічаных пры
вылічэнні яму пенсіі, а таксама ўстаноўленых даплат да асноўнай пенсіі.
Дадаткова на павышэнне пенсій у лютым будзе накіравана Br166 млн. У цэлым у лютым расходы на выплату пенсій складуць Br1,8 млрд.
Атрымальнікамі пенсій з’яўляюцца 2,4 млн человек.-0-
