12 лютага, Мінск /Кар. БЕЛТА/. Зацверджана нацыянальная рамка
кваліфікацый, а таксама ўнесены змяненні ў Інструкцыю аб парадку
распрацоўкі праектаў прафесійных стандартаў, паведамілі БЕЛТА ў прэс-службе Мінпрацы, спасылаючыся на ведамасную пастанову нумар 46 ад 28 лістапада 2023 года.
Нацыянальная
рамка кваліфікацый - дакумент, які змяшчае абагульненае апісанне
ўзроўняў кваліфікацыі і шляхоў іх дасягнення, галоўная задача якога -
распрацоўка на адзінай метадалагічнай аснове патрабаванняў да
кваліфікацый і прафесійных стандартаў.
Як падзяліліся ў Мінпрацы,
распрацоўка сектаральных рамак кваліфікацый (дакументы, якія вызначаюць
адзіную шкалу патрабаванняў да кваліфікацый) і прафесійных стандартаў
ажыццяўляецца сектаральнымі саветамі кваліфікацый, якія ствараюцца пры
дзяржаўных органах і канцэрнах. "На 1 студзеня 2024 года створаны 21
сектаральны савет кваліфікацый, а таксама зацверджана 55 прафесійных
стандартаў, якія ўключылі ў сябе больш як 130 прафесій рабочых і пасад
служачых", - адзначылі ў прэс-службе.
А таксама растлумачылі, што
прафесійны стандарт - гэта сучасны дакумент, які дэталёва апісвае
працоўныя функцыі і працоўныя дзеянні, што адпавядаюць ім, і фарміруе
сучасныя патрабаванні да ведаў і навыкаў. Такая дэталізацыя дае
магчымасць сістэме адукацыі атрымаць дакладныя арыенціры для падрыхтоўкі
адукацыйных праграм і забяспечваць якасць навучання.
Пастановай
былі ўнесены змяненні ў Інструкцыю аб парадку распрацоўкі праектаў
прафесійных стандартаў. Цяпер у Інструкцыі зацверджаны коды абласцей і
найменняў прафесійнай дзейнасці.
Змяненні звязаны з уступіўшымі з
1 студзеня 2024 года нормамі Працоўнага кодэкса Рэспублікі Беларусь аб
прымяненні прафесійных стандартаў, якія з’яўляюцца самастойнымі
тэхнічнымі нарматыўнымі прававымі актамі. У сувязі з гэтым для групоўкі
прафесійных стандартаў уведзены самастойныя коды абласцей і найменняў
прафесійнай дзейнасці.
Да 1 студзеня 2024 года прафесійныя
стандарты з’яўляліся структурнымі элементамі АКДП і АТКД, якія
згрупаваны па відах эканамічнай дзейнасці і відах вытворчасцей і работ
незалежна ад віду эканамічнай дзейнасці адпаведна. "Для паляпшэння
ўспрымання коды абласцей і найменняў прафесійнай дзейнасці суаднесены з
нумарамі выпускаў Адзінага кваліфікацыйнага даведніка пасад служачых
(АКДП), Адзінага тарыфна-кваліфікацыйнага даведніка прафесій рабочых
(АТКД) і, пры неабходнасці, найменнем раздзела (віду дзейнасці)", -
адзначылі ў Мінпрацы.
"З улікам зацвярджэння нацыянальнай рамкі
кваліфікацый, увядзення кодаў абласцей і найменняў прафесійнай
дзейнасці, а таксама практыкі распрацоўкі праектаў прафесійных
стандартаў макет прафесійнага стандарту выкладзены ў новай рэдакцыі", -
паведамілі ў ведамстве. Цяпер у макеце запаўняецца код вобласці і
найменне прафесійнай дзейнасці, да якой належыць прафесійны стандарт.
Таксама ўзровень кваліфікацыі, да якой належыць прафесія рабочага
(пасада служачага) суадносіцца з узроўнем нацыянальнай рамкі
кваліфікацыі. Акрамя таго, быў уведзены новы структурны элемент у
выглядзе табліцы - "Размеркаванне кодаў працоўных функцый па прафесіях
рабочых і разрадах, якія ім адпавядаюць". Гэта табліца абавязковая да
запаўнення ў выпадку, калі аднаму ўзроўню кваліфікацыі адпавядае больш
як адзін разрад па адпаведнай прафесіі рабочага.
Таксама ў новай
рэдакцыі пры ўстанаўленні ўнутрыслужбовага кваліфікацыйнага
катэгаравання пасады служачага ў дадатковых звестках пазначаюцца
кваліфікацыйныя патрабаванні для прысваення адпаведных кваліфікацыйных
катэгорый.
Пастанова Міністэрства працы і сацыяльнай абароны
Рэспублікі Беларусь ад 28 лістапада 2023 года нумар 46 "Аб змяненні
пастановы Міністэрства працы і сацыяльнай абароны Рэспублікі Беларусь ад
8 лістапада 2021 года нумар 78" уступіла ў сілу з 28 студзеня 2024
года.-0-
