ПАМЯТКА
для мясцовых выканаўчых і распарадчых органаў
пры ажыццяўленні мерапрыемстваў па прывядзенні будынкаў,
уключаных у Дзяржаўны спіс гісторыка-культурных каштоўнасцей Рэспублікі Беларусь, у належны стан
1. Мясцовымі выканаўчымі і распарадчымі органамі павінны быць прыняты (пры неабходнасці - актуалізаваны) рашэнні, якія ўстанаўліваюць забарону на ўстаноўку антэн і іншых канструкцый на фасадах дамоў, унесеных у Дзяржаўны спіс гісторыка-культурных каштоўнасцей Рэспублікі Беларусь (далей - Дзяржспіс) (падстава: абзац чацвёрты пункта 6 Палажэння аб умовах і парадку ўсталявання на дахах і фасадах шматкватэрных жылых дамоў індывідуальных антэн і іншых канструкцый, зацверджанага пастановай Савета Міністраў Рэспублікі Бе арусь ад 16.05.2013 № 384).
2. Пры ажыццяўленні згодна з Указам Прэзідэнта Рэспублікі Беларусь ад 26.04.2010 № 200 (падпункт 1.15.1 Пераліку) і з пастановай Савета Міністраў Рэспублікі Беларусь ад 17.02.2012 № 156 (падпункт 8.3.2 Адзінага пераліку) адміністрацыйнай працэдуры па выдачы ўзгаднення на ўстаноўку індывідуальных антэн і іншых канструкцый на будынках, уключаных у Дзяржспіс, неабходна растлумачваць палажэнні прынятых выканкамамі рашэнняў, адзначаных у пункце 1 гэтага Памяткі, а таксама прапаноўваць для разгляду альтэрнатыўныя варыянты для іх размяшчэння без вынасу на фасад гісторыка-культурнай каштоўнасці (напрыклад, якiя вызначаюцца ў кожным канкрэтным выпадку ў залежнасці ад наяўнасці тэхнічнай магчымасці: у прыямку, на пліце балкона, які выходзіць на дваровую тэрыторыю, ў паддахавай прасторы, у якасці наддахавай канструкцыі з боку двара, ва ўнутраных памяшканнях агульнага карыстання, у аконным праёме (без выступу за акно), ўстаноўка спліт-сістэмы-кандыцыянавання, каля будынку ў корабе, у тым ліку з дэкарыраваннем іх пад кветкавыя клумбы і г.д.).
3. Тэрытарыяльным структурным падраздзяленням мясцовых выканаўчых і распарадчых органаў, якія ажыццяўляюць дзяржаўна-ўладныя паўнамоцтвы ў галіне архітэктурнай, горадабудаўнічай і будаўнічай дзейнасці, неабходна арганізаваць распрацоўку варыянтаў эскізаў (з указаннем колеру, матэрыялаў і канфігурацыі) запаўненняў аконных і дзвярных праёмаў ўваходаў у будынкі, уключаных у Дзяржспіс, і пасля ўзгаднення іх з Міністэрствам культуры, размясціць у даступных для азнаямлення месцах і ў глабальнай камп'ютэрнай сетцы Інтэрнэт на афіцыйных сайтах мясцовых выканаўчых і распарадчых органаў (падстава: пастанова Савета Міністраў Рэспублікі Беларусь ад 28.06.2018 № 506). Пры гэтым, атрыманне дадатковага дазволу Міністэрства культуры на выкананне адзначаных відаў работ не патрабуецца.
4. Пры выяўленні аконных і дзвярных запаўненняў, якія не адпавядаюць гістарычнаму абліччу, акрамя ўказанняў аб неабходнасці іх замены, растлумачваць магчымасць змены колеру ваконных запаўненняў - шляхам ламінаціі ў неабходным каляровым рашэнні, а магчымасць змены раскладкі профілю аконных запаўненняў - шляхам ўстаноўкі фальш-вокладак або шпросаў, і г. д.
