29 жніўня, Мінск /Кар. БЕЛТА/. Брэсцкая вобласць атрымала рэкордны ўраджай збожжа,
паведамілі БЕЛТА ў прэс-службе Міністэрства сельскай гаспадаркі і харчавання.
"На 29 жніўня Брэсцкая вобласць упершыню ў гісторыі намалаціла 1,5 млн т збожжа без уліку кукурузы і рапсу. Прыбаўка да выніку 2024 года ўжо 187 тыс. т", - расказалі ў прэс-службе.
Ураджайнасць склала 45,1 ц/га, што на 7,8 ц/га больш за 2024 год. Пры гэтым восем раёнаў вобласці намалацілі звыш 100 тыс. т.-0-