З верай і любоўю ідзе па жыцці наша зямлячка Надзея Патапчык – чалавек адкрытай і шчырай душы. Яна выдатная гаспадыня, руплівы работнік, любімая і любячая матуля, клапатлівая бабуля, надзейная сяброўка, а яшчэ патрыёт, які бязмежна адданы і сваёй малой радзіме – Ляхавіччыне, а дакладней, вёсцы Бенькаўцы, і сінявокай Беларусі. Толькі апантаны, творчы чалавек можа так захапляцца роднай мовай. Яна пабывала ў большасці сталіцах святкавання Дня беларускага пісьменства.
– З задавальненнем размаўляю на беларускай мове. Лічу, што няма ў свеце лепшай краіны, чым наша Беларусь – моцная і міралюбівая, гасцінная і прывабная для турыстаў, – гаворыць Надзея Патапчык.
За якую справу яна ні бярэцца – усё атрымліваецца толькі з клічнікам. Калі не выйшла з першай спробы пакарыць адзін са сталічных інстытутаў, учарашняя выпускніца Востраўскай школы Надзея ўладкавалася працаваць токарам на Мінскі падшыпнікавы завод. Спраўлялася так, што мужчыны зайздросцілі.
Але ж лёс унёс свае карэктывы: памерла маці, таму Надзея вярнулася ў родную вёску Бенькаўцы, каб дапамагаць бацьку. Атрымала завочна вышэйшую педагагічную адукацыю ў Брэсцкім педінстытуце імя А. С. Пушкіна. Настаўнічала ў Малагарадзішчанскай школе, узначальвала Галаўнінскі дзіцячы садок. І заўжды яна карысталася павагай калег, а як любілі яе дзеці!
У 1989 годзе Надзеі Пятроўне прапанавалі пасаду начальніка аздараўленчага лагера «Чайка». Гэта была сапраўды лёсавызначальная падзея ў яе жыцці. Маляўнічы куточак каля Галаўнінцаў стаў на больш чым чвэрць стагоддзя другім домам і для Надзеі Патапчык. Усю сваю энергію, натхненне, сілу і бязмежную любоў яна ўкладвала, каб летнік з кожным годам станавіўся яшчэ больш утульным і добраўпарадкаваным. Так і атрымалася. Наша «Чайка» прызнавалася пераможцай абласнога конкурсу сярод загарадных аздараўленчых лагераў. Але галоўная ўзнагарода і для Надзеі Пятроўны, і для ўсяго калектыву летніка – такія шчырыя водгукі шматлікіх выхаванцаў, якія год за годам спяшаліся сюды за запамінальным адпачынкам.
Пасля выхаду на заслужаны адпачынак Надзея Патапчык нядоўга змагла без работы. Яна зрабіла круты паварот у сваёй прафесійнай біяграфіі. Амаль пяць гадоў, як  Надзея Пятроўна – загадчык МТФ «Бенькаўцы» ЗАТ «Белпрампрыбор». З пяшчотай і дабрынёй клапоціцца пра рагуль.
– Надзея Пятроўна – сапраўдная знаходка для нашага сельгаспрадпрыемства. Умее знайсці падыход да людзей, змагла згуртаваць вакол сябе калектыў, таму работнікі фермы маюць высокія вытворчыя паказчыкі. Зарэкамендавала сябе і як профі ў сельскай гаспадарцы, – сцвярджае намеснік дырэктара
ЗАТ «Белпрампрыбор» Андрэй Вараб’ёў.
Актыўная грамадзянская пазіцыя – гэта таксама пра Надзею Патапчык. Яе аўтарытэт сярод вяскоўцаў высокі, заслужаны і апраўданы. Нездарма, без малога 30 гадоў, жыхары Бенькаўцаў выбіраюць яе сваім старастам. Прычым тон руплівая гаспадыня задае ўласным прыкладам. Яе прысядзібны ўчастак – узор добраўпарадкавання. Некалькі гадоў назад Надзея Патапчык стала адным з пераможцаў штогадовага абласнога конкурсу сярод сельскіх, пасялковых, гарадскіх Саветаў дэпутатаў, органаў тэрытарыяльнага грамадскага самакіравання па рашэнні пытанняў жыццезабеспячэння насельніцтва.
– Я шчаслівая! Займаюся патрэбнай справай. Я вельмі багатая: галоўная каштоўнасць – мае сыночкі Сяргей і Яўгеній і іх сем’і, мае родныя і блізкія. Хачу, каб усё ў іх ладзіла-ся, – зазначае Надзея
Патапчык.

Галіна КАНЬКО.

Беларусь і шчырыя грамадзяне сваёй-нашай краіны рыхтуюцца да Усебеларускага народнага сходу, які адбудзецца 11-12 лютага. Нашы землякі дзеляцца сваімі чаканнямі ад падзеі рэспубліканскай важнасці.

Дзмітрый Багушэвіч, старшыня Конькаўскага сельскага выканаўчага камітэта:
– Я ўжо маю падобны вопыт ці, сказаць дакладней, гонар – быў дэлегатам папярэдняга, які адбыўся ў 2016 годзе, Усебеларускага народнага сходу. А сёння іншыя і сітуацыя, і адчуванні з чаканнямі, і настрой. Як толькі даведаўся, што трапіў у лік землякоў-ляхавічан, якія будуць вылучаны ў дэлегаты шостага Усебеларускага, сталі перапаўняць самыя розныя эмоцыі. Пераважна глыбока-кранальныя, станоўчыя. Але верх брала хваляванне.
Для мяне Усебеларускі народны сход з’яўляецца важнейшай палітычнай па-дзеяй нашай суверэннай дзяржавы. На ім будуць разглядацца не толькі вынікі мінулай пяцігодкі, а і прымацца рашэнні, ставіцца задачы адноснага эканамічнага і сацыяльнага развіцця краіны ў будучым. Дапаўненнем таму стане разгляд вялікай колькасці надзённых пытанняў жыцця грамадства.
На мой погляд, гэты Усебеларускі народны сход стане зыходнай кропкай да дасягнення новых, найбольш высокіх вяршынь ва ўсіх галінах і напрамках дзейнасці нашай дзяржавы. Веру ў тое, што новы найбольш спрыяльны і стваральны этап у жыцці краіны, грамадства ў цэлым і кожнага асобнага грамадзяніна пачнецца
11-12 лютага 2021 года. Наперадзе ў Беларусі новыя здабыткі і поспех ва ўсім.

Ала ТУРКІНА, галоўная медсястра цэнтральнай раённай бальніцы:
– У 2016 годзе была ўдзельніцай пятага Усебеларускага народнага сходу. Сярод 2500 дэлегатаў былі прадстаўнікі розных слаёў грамадства – ад кіраўнікоў органаў дзяржаўнага кіравання, прадпрыемстваў і арганізацый, парламентарыяў да рабочых, студэнтаў і пенсіянераў. Два дні пасяджэння праляцелі імгненна. У праграме – разнастайныя сферы жыццядзейнасці беларускага народа. Пра пачутае, убачанае, выпрацаваныя рашэнні і вынікі пасля дзялілася з калегамі і землякамі. Канешне, больш за ўсё мяне цікавілі пытанні і прапановы, якія датычылі сістэмы аховы здароўя. І многае з іх сёння ўжо не планы, а рэальнасць. Запісацца на прыём да ўрача можна праз інтэрнэт, наладжана сувязь усіх амбулаторый з лакальнай вылічальнай сеткай райпаліклінікі. Урачы агульнай практыкі прайшлі спецыяльную перападрыхтоўку і валодаюць навыкамі па сумежных спецыяльнасцях, што дазволіла разгрузіць вузкіх спецыялістаў. Чатыры гады назад пра гэта толькі гаварылі, а зараз падводзім вынікі зробленага.
За апошні час праведзена нямала пераўтварэнняў для павышэння якаснага медыцынскага абслугоўвання насельніцтва. Кабінет рэнтгенадыягностыкі, які з’явіўся пасля капрамонту і мадэрнізацыі, паспяхова выконвае свае функцыі, як і харчаблок, абнаўляецца медабсталяванне, укараняюцца сучасныя тэхналогіі. Каранавірус чарговы раз пацвердзіў, што адна з галоўных каштоўнасцяў – здароўе. Вельмі дарэчы ў складанай эпідсітуацыі прыйшліся тры новыя машыны хуткай дапамогі, якія набыты на працягу мінулага года. Спадзяюся, што на шостым Усебеларускім народным сходзе важная роля таксама будзе нададзена ахове здароўя.

Ставіць мэту і настойліва ісці да яе – прынцып жыцця першага сакратара БРСМ старшыні Маладзёжнага парламента пры Ляхавіцкім раённым Савеце дэпутатаў Яўгенія Сінілы. Яго цяжка застаць у кабінеце, дзе размешчаны райкам БРСМ – на Чкалава, 8. Ён пастаянна ў руху і дзеянні. Сёння разам з актывістамі віншуе дзяцей з цэнтра карэкцыйна-развіваючага навучання і рэабілітацыі з Калядамі, заўтра едзе ў школу раёна прымаць рабят у рады БРСМ, пасля дзяжурыць у грамадскай прыёмнай, прымае ўдзел у дыялогавай пляцоўцы, сустракаецца з моладдзю.

– Сучасныя рабяты не пасіўныя гледачы і ўдзельнікі мерапрыемстваў. Ім цікава шукаць адказ падчас прыгодніцкага квэста, быць аўтарамі праектаў, выступаць з ініцыятывамі. Падхопліваюць ідэі і  выказваюць меркаванні. Разам стараемся выпрацаваць тую правільную мадэль узаемадзеяння, якая не пакіне раўнадушнымі, падштурхне да дзеяння, – падкрэслівае першы сакратар райкама БРСМ.
Пакуль ён не можа пахваліцца стажам работы на пасадзе
першага сакратара райкама БРСМ (на пасадзе з чэрвеня мінулага года), ды і гэта не галоўнае ў рабоце з моладдзю. Тут важна, каб цябе разумелі, чулі, і ты быў у тэме і на адной хвалі з іншымі.
Яўгеній з тых, для каго малая радзіма – дарагія сэрцу мясціны, дзе нарадзіўся і вырас, дзе твае сябры і родныя. Таму калі атрымаў дыплом Міжнароднага ўніверсітэта працоўных і сацыяльных адносін, вярнуўся ў Ляхавічы, дзе працаваў юрыстам і спецыялістам па рабоце з насельніцтвам у камунгасе, адказваў там за ідэалагічны бок. Дзякуючы, у тым ліку, актыўнасці і нераўнадушнасці Яўгенія Сінілы, тры разы прадпрыемства ў раёне прызнавалася лепшым у арганізацыі ідэалагічнай работы.
Калі выпадае свабодны час, не дзеля ўлову, а для задавальнення, любіць пасядзець з вудай. А яшчэ ў нашага земляка залатыя рукі. Умее і любіць працаваць з дрэвам, пенапластам і іншымі матэрыяламі. Разам з калегам з камунгаса Аляксандрам Капузам ён у прамым сэнсе ўпрыгожыў тэрыторыю адпачынку каля ракі Ведзьмы літарамі з прызнаннем у любві Ляхавічам. Іх аўтарству належыць і шыльда на ўваходзе ў парк па вуліцы Дзесюкевіча.
– Ініцыятыўны, актыўны і адказны, – такую характарыстыку Яўгенію Сінілу дае намеснік старшыні райвыканкама Святлана Юрлевіч. – Цяперашняя эпідсітуацыя не дае пакуль магчымасці разгарнуць дзейнасць на поўную магутнасць, але работа працягваецца.
І актывісты БРСМ крочаць у нагу з падзеямі. Лічу, у Яўгенія ўсё яшчэ наперадзе, – падкрэсліла Святлана Іванаўна.
Маладзёжны лідар упэўнены, што мір, згода і дабрабыт ствараюцца агульнымі намаганнямі. Таму сёння, у Год народнага адзінства, так важна аб’яднацца, дасягнуць разумення. Ён упэўнены, што шосты Усебеларускі сход, куды вылучаны дэлегатам, дазволіць падрабязна разгледзець пытанні, узняць праблемы, якія хвалююць насельніцтва, і выбраць найбольш аптымальныя варыянты іх вырашэння. Як маладзёжнага лідара і старшыню
Маладзёжнага парламента пры райсавеце дэпутатаў яго цікавяць многія тэмы, сярод якіх і замацаванне маладых кадраў на першым працоўным месцы. Асабліва, калі яно адносіцца да вясковай тэрыторыі. У цэнтры ўвагі – і ўзмацненне прафарыентацыйнай работы. Вельмі важна, па меркаванні Яўгенія, каб выпускнік меў уяўленне пра прафесію мары не толькі тэарэтычна, але і з практычнага боку.

Пытанні, якія будуць гучаць падчас Усебеларускага народнага сходу, у многім вызначаюць наша далейшае жыццё.
Зацікаўленасць у гэтым кожнага беларуса відавочная. Ляхавічане працягваюць дзяліцца меркаваннямі і чаканнямі ад адной з галоўных падзей краіны 2021-га, што адбудуцца 11-12 лютага.

Людміла КУЗНЯЦОВА, пенсіянерка:
– Правядзенне Усебеларускага народнага сходу – самая важная падзея, да якой рыхтуецца краіна. Разумею, гэта наш праект на бліжэйшую пяцігодку, нашы мэты, да якіх мы імкнёмся. З зацікаўленасцю чытаю пра дэлегатаў ад Ляхавіцкага раёна, упэўнена, што кожны з іх варты, каб прадстаўляць наш рэгіён. Людзі розных узростаў, прафесій, здольныя вырашыць і абмеркаваць шырокае кола пытанняў.
Сёння мы бачым і можам параўнаць, чаго за апошнія гады дасягнула Беларусь, якімі намаганнямі нам гэта атрымалася зрабіць.
А на бліжэйшую пяцігодку трэба паставіць новыя задачы, якія нас, беларусаў, аб’яднаюць. Думаю, тэмы будуць гучаць важныя і блізкія кожнаму. Мяне асабліва цікавіць сацыяльны бок развіцця дзяржавы, а менавіта пенсійнае пытанне, якасць і даступнасць медыцынскага абслугоўвання. Увогуле, узровень жыцця беларусаў: зарплаты, даходы дзяржавы – тое, што ўплывае на матэрыяльны бок людзей пенсійнага ўзросту. Разумею, што цяпер крок за моладдзю, якая стварае Беларусь будучага, праектуе тое, што будзе рэалізоўваць у жыццё. Безумоўна, як жыхарку невялікага райцэнтра мяне цікавяць і пытанні добраўпарадкавання тэрыторыі, вуліц, дарог.
Увага павінна быць скіравана і на вёскі, і аграгарадкі, на паляпшэнне ўмоў тых, хто жыве ў аддаленых населеных пунктах.

Праз некалькі тыдняў Усебеларускі народны сход канчаткова вызначыцца з тым, па якім шляху нашай краіне належыць развівацца ў бліжэйшую пяцігодку. Прадстаўленыя днямі асноўныя палажэнні праекта Праграмы сацыяльна-эканамічнага развіцця Рэспублікі Беларусь на 2021-2025 гады сталі прадметам актыўнага абмеркавання.
Да яго далучыліся і нашы землякі.

Георгій ХЛЯБОВІЧ, галоўны ўрач УАЗ «Ляхавіцкая ЦРБ»:
– Як кіраўніка медыцынскіх устаноў раёна, у першую чаргу, зацікавілі тыя падраздзелы праекта Праграмы, што тычацца ўмацавання дэмаграфічнага патэнцыялу і здароўя насельніцтва.
Адзін з акцэнтаў – забеспячэнне ўсеагульнага ахопу насельніцтва паслугамі першаснай меддапамогі. У гэтым напрамку ў нас зроблена ўжо нямала. Так, Ляхавіцкі раён стаў першым на Брэстчыне, дзе ўкаранілі прынцып работы ўрача агульнай практыкі, такім чынам, тэрапеўты, якія прайшлі перападрыхтоўку, могуць прафесійна аказваць дапамогу і як вузкія спецыялісты. Больш даступнай стала медыцынская дапамога для вяскоўцаў. Запатрабаваны ў сельскага насельніцтва штотыднёвыя выезды комплексных брыгад спецыялістаў-медыкаў у аддаленыя населеныя пункты і арганізаваныя там комплексныя прыёмы. Дарэчы, у перспектыве плануецца арганізацыя работы мабільнага ФАПа. У планах таксама рамонт галоўнага корпуса райбальніцы, абнаўленне матэрыяльна-тэхнічнай базы гарадскіх і сельскіх устаноў аховы здароўя.
Пандэмія каранавіруса паказала, наколькі важна своечасова праводзіць прафілактычныя мерапрыемствы. На гэта таксама звернута ўвага ў праекце Праграмы. Плануецца ўдасканальваць механізм дыспансерызацыі і медыцынскіх скрынінгаў. Сярод першачарговых мер – папярэджванне распаўсюджвання хвароб і інфекцый, мінімізацыя наступстваў каранавіруснай інфекцыі ў тых, хто перахварэў, іх рэабілітацыя, прафілактыка далейшых заражэнняў.
Уплывовае слова павінна сказаць імунізацыя. У бліжэйшы час вакцынацыя супраць каранавіруса пачнецца і ў Ляхавіцкім раёне.
Між іншым, дзякуючы таму, што летась 40 працэнтаў жыхароў раёна зрабілі прышчэпкі супраць грыпу, у раёне на нізкім узроўні было
захворванне вострымі рэспіраторнымі інфекцыямі, у тым ліку і грыпам.
Важная тэма – лічбавізацыя медыцыны. Даволі насычанымі выдаліся апошнія гады ў плане інфарматызацыі ўстаноў аховы здароўя Ляхавіцкага раёна. Лакальная сетка паліклінікі, пераход на электронную карту пацыента, выдача электронных рэцэптаў, магчымасць запісацца на ўрачэбны прыём, у тым ліку і праз інтэрнэт – толькі частка зробленага. У планах на бліжэйшую пяцігодку – інфарматызацыя стацыянара раённай бальніцы.
Рэспубліканскі праект «Клапатлівая паліклініка», што будзе рэалізоўвацца ў краіне, прадугледжвае яшчэ больш змяненняў у рабоце рэгістратур.
Толькі са станоўчага боку ацэньваю і планы наконт пашырэння аб’ёмаў мэтавага навучання будучых урачоў і прадстаўнікоў сярэд-
няга медыцынскага персаналу, што паспрыяе вырашэнню кадравага пытання. За апошнія тры гады і на Ляхавіччыне істотнае кадравае папаўненне – ва ўстановы аховы здароўя прыйшлі 74 маладыя спецыялісты. Будзем працаваць над кадравым забеспячэннем і далей.

Люты гэта года адзначыцца падзеяй адметнай і ў плане перспектыў, і ў плане падвядзення рэзультатыўнасці мінулай пяцігодкі. Усебакова разгледзець асноўныя дасягненні ўжо з гістарычнага адрэзка і сказаць сваё важкае слова даверана самым актыўным, адказным, нераўнадушным лю-дзям. 11-12 лютага дэлегаты абмяркуюць асноўныя палажэнні сацыяльна-эканамічнага развіцця Беларусі на 2021-2025 гады і накірункі грамадска-палітычнага развіцця краіны.

Людміла ЖАЛНЕРЧЫК, дэпутат Палаты прадстаўнікоў Нацыянальнага сходу Рэспублікі Беларусь:
– Важная падзея пацігоддзя, якая хутка збярэ прадстаўнікоў з усёй рэспублікі, вырашыць, з якімі планамі і мэтамі беларусы будуць развіваць, будаваць, уладкоўваць сваё далейшае жыццё. Важна зразумець, гэта наша народнае слова, наша важкае рашэнне, наш шлях, і яго выбіраем мы, жыхары сваёй краіны. Такая своеасаблівая форма народаўладдзя –
магчымасць і спосаб прыцягнуць як мага больш грамадзян для шырокага ўдзелу ў справах сваёй радзімы. Таму варта падключыцца ўсім і кожнаму, так, як, напрыклад, беларусы праявілі сябе падчас збору прапаноў і заўваг у галоўны дакумент краіны. Гэта яшчэ раз падцвярджае, што наша зацікаўленасць і жаданне вырашыць актуальныя пытанні высокія. Дзяржаўная ўвага пытанням сацыяльна-эканамічнай сферы заўсёды самая пільная. У цэнтры беларускай палітыкі – чалавек і якасць яго жыцця. Колькі фактаў сёння можна прывесці, каб упэўніцца, што мы рухаемся ў правільным накірунку: ствараем камфортнае жыццё для саміх сябе.
За мінулую пяцігодку нават толькі на Ляхавіччыне ўсяго і не пералічыш: газіфікацыя Русінавіч, абнаўленне медыцынскага абсталявання ў райбальніцы, будаўніцтва жылля, у тым ліку арэнднага, і вытворчых аб’ектаў, добраўпарадкаванне дарог (і гарадскіх, і вясковых), адкрыццё дома сямейнага тыпу… Увага ўсім і кожнаму: сямейная падтрымка, заўсёдная рука дапамогі маладым кадрам, грамадзянам пажылога ўзросту, прадстаўнікам сельскай гаспадаркі, дзелавой сферы. Канешне шмат над чым яшчэ нам працаваць, а для гэтага важна даведацца меркаванні, пажаданні саміх жа беларусаў. Упэўнена, усебеларускі народны сход паставіць у парадак дня пытанні грамадска-палітычнай, сацыяльна-эканамічнай накіраванасці.
Прагучыць тое, што павінна гучаць, абмяркуюцца пытанні, што на этапе падрыхтоўкі ўзнялі беларусы падчас работ грамадскіх прыёмных, асабістых прыёмаў, сходаў, сустрэч з працоўнымі калектывамі, на прамых лініях. Толькі ў адзінстве жаданняў, нераўнадушша, актыўнасці, адказ-насці за сваю краіну і яе будучыню мы працягнем ствараць надзейную, моцную, стабільную дзяржаву, за якую нам перад нашымі дзецьмі не будзе сорамна.

У рэспубліканскім адкрытым дыялогу «Мнагадзетная сям’я: прыярытэт дзяржпалітыкі», што прайшоў у Нясвіжскім палацава-паркавым комплексе, удзел прыняла і сям’я ляхавічан Кацярыны і Дзмітрыя Краўчэняў. Нашы землякі апынуліся ў ліку 20 сямейных пар, удастоеных быць саўдзельнікамі падвядзення вынікаў праведзеных у краіне дыялогавых пляцовак, дзе на сувязі былі бацькі, якія выхоўваюць трое і больш дзяцей. Свае прапановы і меркаванні яны выказвалі напярэдадні шостага Усебеларускага народнага сходу.

Мэты рэспубліканскага дыялогу, ініцыяванага Міністэрствам працы і сацыяльнай абароны Рэспублікі Беларусь, – абмеркаванне мер дзяржпадтрымкі сем’яў і выпрацоўка прапаноў па іх далейшым развіцці, захаванне традыцый, сямейных каштоўнасцяў.
Слова – Кацярыне Краўчэня, мнагадзетнай маці, выхавальніку дзіцячага дома сямейнага тыпу:
– Тое, што сустрэча з мнагадзетнымі сем’ямі прайшла ў такім фармаце, з удзелам намесніка Прэм’ер-міністра Ігара Петрышэнкі, міністра па працы і сацыяльнай абароне Ірыны Касцевіч, іншых адказных асоб, гаворыць пра вялікую ўвагу дзяржавы да сям’і.
Намеснік Прэм’ер-міністра адзначыў, што дзяржава ніколі не эканоміла і не будзе эканоміць на сям’і.
Ведаю не па словах, наколькі адчувальная дзяржаўная ўвага да мнага-дзетных. А яшчэ Ігар Петрышэнка падкрэсліў, што ў гэтай пяцігодцы Урад працягне работу над вырашэннем важных для сем’яў пытанняў. Лейтматывам мерапрыемства стала пытанне Ігара Петрышэнкі: як зрабіць, каб вялікіх сем’яў у краіне станавілася як мага больш? Бацька чатырох дзяцей з суседніх Баранавічаў лічыць, што падтрымка дзяржавай сям’і, у якой нараджаецца другое дзіця, будзе гэтаму садзейнічаць.
Падчас сустрэчы ўзнімалася шмат сямейных тэм. Гаварылі пра ролю бацькі і маці ў выхаванні дзяцей, пашырэнне магчымасцяў выкарыстання сямейнага капіталу, укараненне ў навучанне і выхаванне ў школе праграмы «Асновы праваслаўнай культуры» ці «Асновы сямейнага выхавання» і г. д. Выказана такое пажаданне, каб быў уведзены студэнцкі праязны для юнакоў і дзяўчат з мнагадзетных сем’яў. Раней такая форма падтрымкі існавала, чаму б зараз не аднавіць, цікавіліся ўдзельнікі сустрэчы.
Ірына Касцевіч адзначыла: прапаганда здаровай, шчаслівай і ўладкаванай сям’і стала адным з прыярытэтаў бягучай пяцігодкі, што прапісана ў праекце Праграмы сацыяльна-эканамічнага развіцця краіны.
На прапанову ўвесці дзяржаўную ўзнагароду бацькам за выхаванне дзяцей таты і мамы адказалі адмоўна: самая вялікая адзнака для іх, каб дзеці выраслі дастойнымі людзьмі. Выхаванне сыноў-дачок – прамы абавязак бацькоў, і пра ўзнагароды гаварыць недарэчна.
Адкрыты дыялог, яго атмасфера вельмі спадабаліся. Пачула шмат цікавых пазіцый, меркаванняў і ідэй. Вельмі прыемна, што голас сем’яў улічваецца пры вызначэнні шляху развіцця краіны.
На памяць пра сустрэчу засталіся і цудоўныя ўражанні ад экскурсіі па залах Нясвіжскага палаца.

Грамадскія прыёмныя, што працуюць у райвыканкаме двойчы на тыдзень, па-ранейшаму самая аператыўная форма сувязі з насельніцтвам. У мінулую сераду на пытанні адказваў выконваючы абавязкі начальніка РАНС Юрый Буйкевіч.

Магчымасцю высветліць для сябе некаторыя нюансы жыццёвых абставін скарысталася ляхавічанка Валянціна, якая пражывае ў шматкватэрніку. У яе двое дзяцей, і яна вымушана пакідаць каляску на лесвіцы. Але ёй зроблена заўвага, што на гэта яна не мае права.
Юрый Буйкевіч адзначыў, што згодна з правіламі пажарнай бяспекі, зацверджанымі пастановай Міністэрства па надзвычайных сітуацыях Беларусі ад 25 сакавіка 2020 года, устаноўлены патрабаванні пры эксплуатацыі жылых дамоў. Згодна з імі, для забеспячэння бяспечнай эвакуацыі шматкватэрных дамоў (за выключэннем кватэр) у вестыбюлях, калідорах, галерэях, на лесвічных маршах і пляцоўках нельга загрувашчваць праходы, выхады, дзверы, устанаўліваць мэблю і іншую маёмасць, якая памяншае мінімальную эвакуацыйную шырыню і вышыню, устаноўленую праектнай дакументацыяй. Пры адсутнасці адпаведных дакументаў шырыня эвакуацыйных выхадаў павінна складаць не менш за 0,8 метра, выхадаў на лесвічныя клеткі – не менш за 0,9 метра. Вышыня – не менш за 1,95 метра (у падземных паверхах з памяшканнямі без пастаянных працоўных месцаў – не менш за 1,8 метра), а вышыня шляхоў эвакуацыі – не менш за 2 метры. Акрамя таго, забараняецца лесвічныя клеткі адгароджваць, ставіць там перагародкі і дзверы. За парушэнне правілаў пажарнай бяспекі прадугледжваецца адміністрацыйная адказнасць у выглядзе штрафу да 30 БВ.
У выпадку, калі знаходжанне каляскі ці веласіпеда не памяншае шырыню эвакуацыйных шляхоў, да іх захоўвання прэтэнзій не будзе.

по сбору предложений по актуальным вопросам

развития страны и регионов

на первую половину февраля 2021 г.

Наименование региона: Ляховичский район

Место проведения приема: Ляховичский районный исполнительный комитет, г. Ляховичи, пл. Ленина, 3

(03.02, 10.02 – кабинет службы «Одно окно», 01.02, 08.02 – каб. 202)

Контактный номер телефона: 8 (01633) 6 09 59 (для общественных приемных, которые пройдут 03.02, 10.02);

8 (01633) 6 05 65 (для общественных приемных, которые пройдут 01.02, 08.02)

№ п/п	Дата и время приема	ФИО, должность, лица, ответственного за работу общественной приемной
1.	01.02.2021 12.00 – 13.00	Мацкевич Наталия Францевна, заместитель председателя комиссии по делам несовершеннолетних Ляховичского райисполкома
2.	03.02.2021 17.00 – 18.00	Юрлевич Валентина Михайловна, главный специалист по оздоровлению Ляховичского района
3.	08.02.2021 12.00 – 13.00	Ворончак Валентина Александровна, начальник управления по работе с плательщиками инспекции Министерства по налогам и сборам Республики Беларусь по Ляховичскому району
4.	10.02.2021 17.00 – 18.00	Прокопьюк Тамара Владимировна, председатель Ляховичского районного объединения организаций профсоюзов

по сбору предложений по актуальным вопросам развития страны и регионов на январь 2021 г.

Наименование региона: Ляховичский район

Место проведения приема: Ляховичский районный исполнительный комитет, г. Ляховичи, пл. Ленина, 3

(06.01, 13.01, 20.01, 27.01 – кабинет службы «Одно окно», 04.01, 11.01, 18.01, 25.01 – каб. 202)

Контактный номер телефона: 8 (01633) 6 09 59 (для общественных приемных, которые пройдут 06.01, 13.01, 20.01, 27.01);

8 (01633) 6 05 65 (для общественных приемных, которые пройдут 04.01, 11.01, 18.01, 25.01)

№ п/п	Дата и время приема	ФИО, должность, лица, ответственного за работу общественной приемной
1.	04.01.2021 12.00 – 13.00	Стремоус Ирина Юльяновна, начальник финансового отдела Ляховичского райисполкома
2.	06.01.2021 16.00 – 17.00	Щука Татьяна Михайловна, главный специалист Ляховичского райисполкома, ведущий вопросы спорта и туризма
3.	11.01.2021 12.00 – 13.00	Дорошкевич Ольга Владимировна, начальник отдела организационно-кадровой работы Ляховичского райисполкома
4.	13.01.2021 17.00 – 18.00	Синило Евгений Сергеевич, первый секретарь Ляховичского РК ОО «БРСМ»
5.	18.01.2021 12.00 – 13.00	Заплётина Екатерина Станиславовна, начальник юридического отдела Ляховичского райисполкома
6.	20.01.2021 17.00 – 18.00	Новик Ольга Ивановна, начальник отдела записи актов гражданского состояния Ляховичского райисполкома
7.	25.01.2021 12.00 – 13.00	Прихач Нина Борисовна, начальник отдела идеологической работы, культуры и по делам молодежи Ляховичского райисполкома
8.	27.01.2021 17.00 – 18.00	Буйкевич Юрий Валентинович, первый заместитель начальника Ляховичского РОЧС